Varsity Kollo – වාසිටි කොල්ලෝ

Varsity Kollo

1960 දශකයේ අග භාගයේ මෙරට සංගීත ක්ෂේත්‍රයට එක් වූ ධර්මරත්න සහෝදරයෝ සංගීත කණ්ඩායම එකම පවුලක සාමාජිකයන්ගෙන් පමණක් සමන්විත වූ ප්‍රථමයන් විය.මෙරට කණ්ඩායම් සංගීතය ඉහලට ඔසවා තැබීමට මොවුන් ඉතා ඉහළ දායකත්වයක් දැක්වීය. එදා ඔවුන් සූරිය ලේබලයට ගැයූ ජනප්‍රියම ගී මෙදා CD තැටියක් ලෙස මුල් තැටිගත කිරීම් වලින් ම උකහා ගෙන කිසිදු අමතර නාද එකතු කිරීමකින් තොරව නිකුත් කර ඇත.

මෙම කණ්ඩායමේ එක සහෝදරයෙකු වන මෙල්රෝයි ධර්මරත්න පසු කාලීන ව තනු නිර්මාණ කරුවෙකු ලෙසද අතිශයින් ජනාදරයට පත්විය. 1970 දශකයේ ඔහු අතින් නිර්මාණය වූ මිල්ටන් මල්ලවාරච්චි ගැයූ මේ මැයි ගහ යට, එච්. ආර්. ජෝතිපාලයන් ගැයූ දුරකතනයකින්, ඔබ නිදන්න, මලින් පිරීගිය විසල්වනේ, ගංගාවයි මහ මුහුදයි, ෆීලික්ස් ඇන්ටන් වෙනුවෙන් නිර්මාණය වූ සුළං රැල්ල ලෙස ආදී ගීත අදටත් නොවියැකුණු ජනප්‍රියත්වයකින් බැබලෙමින් ඇත.